«Ալ-Նասրի» հարձակվող Կրիշտիանու Ռոնալդուն դարձել է Սաուդյան Արաբիայի առաջնության օգոստոս ամսվա լավագույն ֆուտբոլիստ, հայտնում է առաջնության մամուլի ծառայությունը Twitter-ում։
Ընթացիկ ամսում Պորտուգալիայի հավաքականի 38-ամյա ֆուտբոլիստը դարձել է 5 գոլի և 3 գոլային փոխանցման հեղինակ։
Մրցանակին հավակնել են նաև եզրային «Ալ-Հիլալի» Մալկոմը, «Ալ-Ահլիի» կիսապաշտպան Ռիյադ Մարեզը և «Ալ-Իթթիհադի» հարձակվողական ոճի կիսապաշտպան Իգոր Կորոնադոն։
Հարկ է նշել, որ ամսվա լավագույն մարզչի մրցանակը շնորհվել է «Ալ-Իթթիհադը» գլխավորող պորտուգալացի մասնագետ Նունու Էսպիրիտու Սատուն։
