Մադրիդի «Ռեալի» կիսապաշտպան Ֆեդերիկո Վալվերդեն պատասխանել է «Բարսելոնայի» ֆուտբոլիստների մասին հարցին:
«Ռեալի» 25-ամյա ֆուտբոլիստին խնդրել են նշել կատալոնական ակումբի լավագույն և վատագույն ֆուտբոլիստներին:
«Լավագույնը Ռոնալդ Արաուխոն է։ Նա իմ ընկերն է, նա նույնպես ուրուգվայցի է։ Ինչ վերաբերում է «Բարսելոնայի» վատագույնին, ես դա ոչ մեկի մասին չէի ասի։
Նրանցից յուրաքանչյուրն արժանի է իր տեղին, յուրաքանչյուրը քրտնաջան աշխատում է։ Ես հարգում եմ նրանց բոլորին»,- Վալվերդեի խոսքերն է մեջբերում Barca Universal-ը։
