«Յուվենտուսի» գլխավոր մարզիչ Մասիմիլիանո Ալեգրին խոսել է պաշտպան Լեոնարդո Բոնուչիի մասին։ Ակումբը ցանկանում է վաճառել 36-ամյա ֆուտբոլիստին։
«Ցավում եմ, որ այսպես ավարտվեց։ Բոնուչիի հետ փետրվարից ամեն ինչ պարզ է, ես մի քանի անգամ խոսել եմ նրա հետ։ Ե՛վ ես, և՛ ակումբն ասացինք, որ հաջորդ տարի կլինի այն տարին, երբ նա պետք է որոշի՝ շարունակել խաղալ այլ տեղ, թե ավարտել կարիերան։
Երբ դու 36 տարեկան ես, և մտել ես «Յուվենտուսի» պատմության մեջ։ Նա պետք է իր համար կարևոր որոշում կայացնի՝ նայելով ապագային։
Նրա նման չեմպիոնի համար նորմալ է կարիերայի ավարտը, եթե դա չլինի այս տարի, դա կլինի հաջորդ տարի: Կարիերան ավարտելու մտքից վախ զգալը նորմալ է: Ես չեմպիոն չէի, ուստի ինձ համար հեշտ էր ավարտել կարիերաս։ Բայց դինամիկան նույնն է։ Պետք է կարողանալ ընդունել իրականությունը։
Եթե նա դա առաջինը անի, դա լավ կլինի իր համար։ Հակառակ դեպքում դա ձանձրալի է: Ինձ համար դա կարևոր էր։ Նա արդեն «Յուվենտուսի» պատմության մեջ է, քչերն են 500 խաղ անցկացրել թիմի կազմում»,- Ալեգրիի խոսքերն է մեջբերում Football Italia-ն։
