«Ինտեր Մայամիի» գլխավոր մարզիչ Խերարդո Մարտինոն հաստատել է, որ Լիոնել Մեսսիի մասնակցությունը «Նյու Յորք Ռեդ Բուլզի» դեմ արտագնա հանդիպմանը կասկածի տակ է։ Սա կլինի թիմի յոթերորդ խաղը 23 օրվա ընթացքում, իսկ 36-ամյա արգենտինացին նախորդ վեց խաղերն անցկացրել է առանց փոխարինման։
Մարտինոն նախատեսում է, որ Մեսսին ամբողջությամբ կամ մասնակիորեն բաց թողնի առնվազն երեք հանդիպում այս տարի: Մարզիչը նաև նշել է, որ չի անհանգստանա աստղային ֆուտբոլիստի խաղադաշտ մտնելու վերաբերյալ երկրպագուների սպասելիքներով։ Այժմ «Նյու Յորք Ռեդ Բուլզ» – «Ինտեր Մայամի» խաղի տոմսերն արժեն 400 դոլար։
«Մենք հետագա գնահատումը կիրականացնենք օգոստոսի 25-ի երեկոյան պրակտիկայից հետո։ Անխուսափելի է, որ ինչ-որ պահի մենք նրան խաղադաշտում չենք ունենա։ Դա տեղի կունենա առնվազն երեք անգամ այս տարի և ավելի շատ հաջորդ տարի: Մենք ստիպված կլինենք լուծում փնտրել։ Ես հասկանում եմ նրան դիտողների ակնկալիքները, և դա անհերքելի է։ Բայց ես չեմ կարող գործել դրա վրա, քանի որ այդ դեպքում ես ռիսկի եմ դիմում սխալ բան անել»,- Մարտինոյի խոսքերն է մեջբերում ESPN-ը:
