«Ուդինեզեի» հարձակվող Բետուն մինչև ընթացիկ տրանսֆերային պատուհանի ավարտը կարող է տեղափոխվել «Էվերթոն»: Այս մասին հայտնում է լրագրող Ֆաբրիցիո Ռոմանոն իր «Թվիթեր»-ում։
Աղբյուրի համաձայն՝ նրանք պատրաստ են 25-26 միլիոն եվրո առաջարկել «Ուդինեզեի» ֆուտբոլիստի համար: «Էվերթոնը» 25-ամյա հարձակվողին հետևում է այս տարվա հունվարից։
Նշվում է, որ պորտուգալացի հարձակվողի պայմանագրով նախատեսված փոխհատուցման չափը կազմում է 35 միլիոն եվրո։
2022/2023 մրցաշրջանում Բետուն «Ուդինեզեի» կազմում անցկացրել է 34 հանդիպում բոլոր մրցաշարերում, որոնցում դարձել է 10 գոլի և երկու գոլային փոխանցման հեղինակ։ Ֆուտբոլիստի պայմանագիրն իտալական ակումբի հետ ուժի մեջ է մինչև 2026 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 25 մլն եվրո։
