Հայտնի է, թե ով է դառնալու «Մանչեսթեր Յունայթեդի» նոր սեփականատերը։ Ինչպես հայտնում է բրիտանական The Sun-ը, անգլիական ակումբը ձեռք բերելու համար պայքարում հաղթել է շեյխ Ջասիմը։
Ըստ աղբյուրի՝ գործարքը կկազմի վեց միլիարդ ֆունտ ստեռլինգ։ Փաստաթղթերի պաշտոնական ստորագրումը նախատեսված է այս տարվա հոկտեմբերին։ «Մանչեսթեր Յունայթեդի» գնման շուրջ վեճում նա առաջ էր անցել բրիտանացի գործարար Ջիմ Ռաթքլիֆից։
Հիշեցնենք, որ այս պահին անգլիական ակումբի սեփականատերը Գլեյզեր ընտանիքն է։ Ամերիկացիները անգլիական գրանդի սեփականատերն են 2005 թվականից։
