«Յուվենթուսի» գլխավոր մարզիչ Մասիմիլիանո Ալեգրին մեկնաբանել է Ա Սերիայի առաջին տուրում «Ուդինեզեի» նկատմամբ տարած հաղթանակը (3:0)։
«Կա երկու բան, որ մենք պետք է բարելավենք։ Երկրորդ խաղակեսում մեզ անհրաժեշտ էր ավելի շատ շարժվել և վերահսկել գնդակը, թեև պետք է խոստովանենք, որ շատ շոգ էր։
Երկրորդ, երբ մենք սխալվում ենք, պետք է ավելի լավ պաշտպանվենք սեփական խաղադաշտում։ Եթե դու առաջ ես 3-0 հաշվով, դա մի բան է, բայց հակառակ դեպքում դա կարող է ավելի բարդացնել խաղը, քան կարող էր լինել:
Կարծում եմ՝ Կիեզան հարձակվող է։ Ես կարող եմ սխալվել, բայց ես նրան տեսնում եմ հարձակման մեջ: Նա չափազանց մեկուսացված է եզրում խաղալով, ուստի լավ խաղաց Վլահովիչի հետ: Նրանք առաջադիմում են, բայց Կիեզան կրկին մի փոքր շեղվեց դեպի եզր։ Կարծում եմ՝ Կիեզան կարող է 14-16 գոլ խփել այս մրցաշրջանում, իսկ եզրում խաղալը նրան մի փոքր սահմանափակում է:
Կամբիասոն շատ խելացի է, և երբ ունես այնպիսի ֆուտբոլիստ, ինչպիսին Կիեզան է, ով կարող է տեղաշարժվել բոլոր տարածքներով, Անդրեան գիտի, թե երբ պետք է փակել տարածությունը կամ գտնել բացը: Առանց Կիեզայի մեզ պետք է ամբողջ երկայնքով գործող եզրային, ինչպիսին Կոստիչն է:
Տիմոթի Վեային ժամանակ է պետք Ա Սերիային հարմարվելու համար, բայց ես գոհ եմ նրա խաղից։ Նա հեռացավ խաղադաշտից կոճի հարվածից հետո»,- Ալեգրիի խոսքերն է մեջբերում Football Italia-ն։
