«Վեսթ Հեմը» փոխարինող է գտել Լուկաս Պակետային, ով առաջիկա օրերին կարող է տեղափոխվել «Մանչեսթեր Սիթի», հայտնում է Ֆաբրիցիո Ռոմանոն։

Աղբյուրի համաձայն՝ անգլիական ակումբը սկսել է բանակցությունները «Այաքսի» կիսապաշտպան Մոհամեդ Կուդուսի տրանսֆերի շուրջ։ Ավելի վաղ հաղորդվում էր, որ Պակետայի համար «Մանչեսթեր Սիթին» ավելի քան 100 միլիոն եվրո է առաջարկել։

Կուդուսը «Այաքսում» հանդես է գալիս 2020 թվականից։ Նախորդ մրցաշրջանում 23-ամյա գանացին բոլոր մրցաշարերում անցկացրել է 42 հանդիպում՝ դառնալով 18 գոլի և 7 գոլային փոխանցման հեղինակ։