«Ալ-Նասրի» պորտուգալացի հարձակվող Կրիշտիանու Ռոնալդուն պատրաստվում է գերազանցել հանրաճանաչության հերթական ռեկորդը՝ դառնալով Instagram-ի առաջին մարդը՝ 600 միլիոն բաժանորդով։

Լուրը հրապարակելու պահին 38-ամյա պորտուգալացին սոցցանցում ունի 599 միլիոն բաժանորդ, թեև Ռոնալդուի էջի մասին Google-ում հարցումներ կատարելիս որոնողական համակարգի առաջին հղումն ուղեկցվում է 600 միլիոն բաժանորդ արտահայտությունով։

Այս ամառ Ռոնալդուն ընդգրկվել է Գինեսի ռեկորդների գրքում՝ որպես 2023 թվականի ամենաբարձր վարձատրվող մարզիկ։