«Արսենալի» գլխավոր մարզիչ Միկել Արտետան կիսվել է Անգլիայի Սուպերգավաթի «Մանչեսթեր Սիթիի» դեմ խաղի սպասելիքներով։
«Մենք ոգևորված ենք, որ կարող ենք նվաճել այս գավաթը մի թիմի դեմ, որին շատ բան արժե հաղթել: Անցած մրցաշրջանում նրանք Եվրոպայի լավագույն թիմն էին։ Մենք հասկանում ենք, թե ինչ չափանիշներ պետք է պահպանվեն և ինչ պետք է անել հանդիպումը հաղթելու համար, բայց մենք շատ ոգևորված ենք։
Դա այն է, ինչ մենք ուզում ենք, խաղալ տարբեր ճակատներում, պայքարել տիտղոսների համար և փորձել լինել լավագույնը: Անցյալ տարի մենք ինչ-որ առանձնահատուկ բանի հասանք, բայց դա բավարար չէր ամենակարևոր տիտղոսը նվաճելու համար։
Ինչ վերաբերում է «Մանչեսթեր Սիթիին», ապա նրանք տարիների ընթացքում հետեւողականություն են ցուցաբերել եւ արժանի են բոլորի հարգանքին այն ամենի համար, ինչին հասել են: Եթե ցանկանում եք պայքարել այս առաջնությունում հաղթանակի համար, ապա պետք է հասկանաք, թե որքան միավոր է ձեզ հարկավոր, և սրանք վերջին 100 տարվա ընթացքում այս առաջնության համար չլսված թվեր են։ Սա ներկայիս ստանդարտն է, և եթե ցանկանում եք համապատասխանել, ապա գիտեք, թե ինչ անել», – Արտետայի խոսքերն է մեջբերում ակումբի մամուլի ծառայությունը։
