«Մանչեսթեր Սիթիի» գլխավոր մարզիչ Խոսեպ Գվարդիոլան կիսվել է իսպանացի մասնագետ Միկել Արտետայի դերի մասին Լոնդոնի «Արսենալի» առաջընթացում։
«Միկել Արտետան «Արսենալին» վերադարձրեց այնտեղ, որտեղ նախկինում էր։ Շատ թիմեր կան, որոնք պատրաստ են պայքարել բոլոր գավաթների համար, մենք լուրջ փորձության ենք սպասում։ Անհնար է հաղթել ավելին, քան մենք հաղթեցինք։ Բայց հարցն այն է, թե որքանով ենք քաղցած, ունե՞նք արդյոք մեր ձեռքբերումները պաշտպանելու ցանկություն։
Դա ակնհայտ կդառնա առաջիկա 11 ամիսների ընթացքում, հատկապես ամենադժվար պահերին»,- ասել է Գվարդիոլան Sky Sports-ի եթերում:
Միկել Արտետան գլխավորել է «Արսենալը» 2019 թվականի դեկտեմբերին։ Անցած մրցաշրջանում լոնդոնյան թիմը Պրեմիեր լիգայում նվաճեց արծաթե մեդալներ։
