«Ինտերի» հարձակվող Լաուտարո Մարտինեսը, ով վերջերս դարձավ միլանյան թիմի նոր ավագը, չի հեռանա ակումբից՝ չնայած իր նկատմամբ հետաքրքրությանը, հայտնում է Football Italia-ն՝ վկայակոչելով ֆուտբոլիստի գործակալի խոսքերը։
«Լաուտարոն շատ գոլեր խփեց «Ինտերի» կազմում, նվաճեց Սկուդետտոն, նվաճեց Աշխարհի գավաթը: Նա այնքան բանի է հասել ակումբի և ազգային հավաքականի համար, որն աննկատ չի մնացել Եվրոպայի և այլ շուկաների թոփ ակումբներում: Առաջարկներ կային, բայց Լաուտին չցանկացավ լսել, նա իր ակումբի վրա ճնշում գործադրողներից չէ…
Մարտինեսը երջանիկ է «Ինտերում», նա երջանիկ է Միլանում, նա պատրաստվում է երկրորդ անգամ հայր դառնալ, և նրա երկու երեխաները ծնվելու են Միլանում՝ քաղաքում, որտեղ նա մեծանում է որպես ֆուտբոլիստ ընտանիքի հետ։ «Ինտերը» նրան մեծ ճանաչում տվեց՝ դարձնելով ավագ։ Եվ նա շատ ուրախ է դրա համար։ «Ինտերը» շարունակում է զարգացնել իր նախագիծը, և Լաուտարոն, անկասկած, արժանի է դրանում տեղ ունենալու:
«Ինտերի» հետ հարաբերությունները հիանալի են, և մենք պետք է միասին աշխատենք: Այս պահին ակումբն ինձ չի կանչել, բայց ես հավատում եմ, որ դա տեղի կունենա, քանի որ մենք բոլորս ցանկանում ենք լավագույնը Լաուտարոյի նման բարձրակարգ ֆուտբոլիստի համար:
«Ինտերը» կարևոր ջանքեր է գործադրում թիմը թարմացնելու համար, ինչպես նաև ջանքեր կգործադրի Լաուտարոյի պես բարձրակարգ ֆուտբոլիստին պահելու համար: Նրանք անպայման կզանգեն մեզ»,- գործակալի խոսքերն է մեջբերում աղբյուրը:
