Հայտնի է դարձել, թե ինչու է հետաձգվել Մոսկվայի «Դինամոյի» կիսապաշտպան Արսեն Զախարյանի՝ Հռոմի «Լացիո» տեղափոխության պաշտոնական գրանցումը։ Այս մասին իր Twitter-ում հայտնում է լրագրող Հրաչ Խաչատրյանը։ Աղբյուրի համաձայն, ամբողջ հարցն այն է, որ ավարտելով Զախարյանի տրանսֆերը՝ «Լացիոն» ցանկանում է կիսապաշտպանին անհապաղ վարձակալությամբ տալ այլ ակումբի։ Այս հանգամանքով պայմանավորված՝ բանակցությունները դեռ շարունակվում են։
Ավելի վաղ հաղորդվում էր, որ «Լացիոն» և «Դինամոն» պայմանավորվել են Զախարյանի տրանսֆերի շուրջ 10 միլիոն եվրո գումարած 4 միլիոն եվրո բոնուսների դիմաց։ Այս մրցաշրջանում 20-ամյա Զախարյանը երկու հանդիպում է անցկացրել «Դինամոյի» կազմում՝ առանց գոլի։ Կիսապաշտպանի պայմանագիրը նախատեսված է մինչև 2024 թվականի հունիսը։
