Ընկերական խաղի շրջանակում SoFi Stadium-ում Միկել Արտետայի «Արսենալը» մրցում էր Չավի Էրնանդեսի «Բարսելոնայի» դեմ։ Գերգոլառատ խաղում «զինագործները» կարողացան առավելության հասնել կատալոնական թիմի նկատմամբ (5:3)։

Առաջին խաղակեսում թիմերը միասին 4 գոլ հեղինակեցին։ Խաղի հենց 7-րդ րոպեին Ռոբերտ Լևանդովսկին բացեց հաշիվը։ Ընդամենը 5 րոպե անց Բուկայո Սական հավասարեցրեց հաշիվը։ Առաջին կեսի վերջնամասում բրազիլացի վինգեր Ռաֆինյան կրկին առաջ մղեց «Բարսելոնային», բայց 43-րդ րոպեին վերջերս «Արսենալ» տեղափոխված Կայ Հավերցը կրկին հավասարեցրեց հանդիպան հաշիվը։

Երկրորդ խաղակեսում Լեանդրո Տրոսարը դուբլ ձևակերպեց, իսկ խաղավերջում թիմերը ևս մեկական գնդակով փոխանակվեցին։

Հանդիպման տեսությունը՝ ստորև։