«Ինտերը» ցանկանում է որքան հնարավոր է շուտ ձեռք բերել Մյունխենի «Բավարիայի» շվեյցարացի դարպասապահ Յան Զոմերին, հայտնում է հայտնի ինսայդեր Ֆաբրիցիո Ռոմանոն իր սոցցանցում։ Ռոմանոյի խոսքերով, Զոմերը «Բավարիայի» վերջին հանդիպմանը չի գնացել «Ինտեր» հնարավոր տեղափոխության պատճառով։ Ակումբների միջև բանակցությունները շարունակվում են։
Ավելի վաղ հաղորդվում էր, որ մոտավոր գինը, որի վրա կողմերը կկենտրոնանան բանակցություններում, կազմում է 6 միլիոն եվրո, «Ինտերը» նախատեսում է նաև պայմանագիր կնքել «Շախտյորի» 21-ամյա ուկրաինացի դարպասապահ Անատոլի Տրուբինի հետ, ով Զոմերի հետ կարող է փոխարինել Օնանային:
Զոմերը «Բավարիա» է տեղափոխվել 2023 թվականի հունվարին Մյոնխենգլադբախի «Բորուսիայից»: 2022/2023 մրցաշրջանի մնացած հատվածում դարպասապահը մյունխենցիների կազմում անցկացրել է 25 հանդիպում՝ բաց թողնելով 31 գնդակ։
