Արգենտինացի հարձակվող Լիոնել Մեսսին խոսել է «Ինտեր Մայամի» տեղափոխվելու մասին: Հուլիսի 15-ին ամերիկյան ակումբը պաշտոնապես հաստատել է արգենտինացու տրանսֆերը։
«Ես շատ ոգևորված եմ կարիերայիս հաջորդ քայլը սկսելու համար «Ինտեր Մայամիի» և ԱՄՆ-ում: Սա ֆանտաստիկ հնարավորություն է, և մենք միասին կշարունակենք կառուցել այս հրաշալի նախագիծը։ Գաղափարն այն է, որ միասին աշխատենք՝ հասնելու դրված նպատակներին, և ես իսկապես ցանկանում եմ օգնել այս թիմին՝ իմ նոր տանը»,- Մեսսիի խոսքերն է մեջբերում «Ինտեր Մայամիի» պաշտոնական կայքը:
Մեսսին «Ինտեր Մայամի» է տեղափոխվել ազատ գործակալի կարգավիճակով։ Նա հանդես կգա 10-րդ համարի ներքո։ Նախկինում նա երկու մրցաշրջան անցկացրել է ՊՍԺ-ում։
Նախորդ մրցաշրջանում Մեսսին փարիզցիների կազմում անցկացրել է 40 հանդիպում բոլոր մրցաշարերում՝ դառնալով 21 գոլի և 20 գոլային փոխանցման հեղինակ:
