Թուրինի «Յուվենտուսը» դիտարկում է իտալական «Վեսթ Հեմ Յունայթեդի» հարձակվող Ջանլուկա Սկամակկային ձեռք բերելու տարբերակը, եթե սերբ հարձակվող Դուշան Վլահովիչը հեռանա, հայտնում է Sky Sport Italia-ն։
Աղբյուրի համաձայն՝ հարձակվողի համար պայքարի մեջ է մտել նաև «Յուվենտուսը»՝ «Միլանի» և «Ռոմայի» հետ: Եթե Վլահովիչը հեռանա ՊՍԺ, ապա Սկամակկան նրան փոխարինելու նախընտրելի տարբերակն է։ Անձամբ ֆուտբոլիստը ցանկանում է վերադառնալ Ա Սերիա՝ Անգլիայում անցկացրած դժվարին մրցաշրջանից հետո։
«Յուվենտուսը» շահեկան դիրքում է՝ համեմատած իր մրցակիցների հետ, քանի որ «Միլանը» և «Ռոման» դիտարկում են միայն վարձակալության տարբերակը՝ գնման տարբերակով, իսկ «մրճահարները»՝ միայն ֆուտբոլիստի ամբողջական վաճառքի մասին:
2022/2023 մրցաշրջանում Սկամական «Վեսթ Հեմի» կազմում անցկացրել է 27 հանդիպում բոլոր մրցաշարերում, որոնցում դարձել է ութ գոլի և մեկ գոլային փոխանցման հեղինակ։ Ֆուտբոլիստի պայմանագիրը «մրճահարների» հետ ուժի մեջ է մինչև 2027 թվականի հունիսի վերջը։ Ֆուտբոլիստի արժեքը, ըստ Transfermarkt-ի, կազմում է 27 միլիոն եվրո։
