«Յուվենտուսը» պատրաստ է 10 միլիոն եվրոյի դիմաց բաց թողնել Պոլ Պոգբային։ Ավելի վաղ հաղորդվում էր, որ «Ալ-Իթթիհադը» կիսապաշտպանին առաջարկել է 3 տարվա պայմանագիր՝ 100 միլիոն եվրոյի դիմաց և բոնուսներ։
Ինչպես հայտնում է La Gazzetta dello Sport-ը, ֆուտբոլիստն իրականում առաջարկ է ստացել Սաուդյան Արաբիայի մեկ այլ ակումբից՝ «Ալ-Ահլիից»: Ջիդայի թիմը ցանկանում է նախ գնահատել ֆուտբոլիստի վիճակը, ով վնասվածքի պատճառով բաց է թողել նախորդ մրցաշրջանի մեծ մասը։
Ֆուտբոլիստը չի ուզում հեռանալ «Յուվենտուսից»։ Եթե նա որոշի ընդունել Սաուդյան Արաբիայի առաջարկը, թուրինյան թիմը պատրաստ կլինի վաճառել նրան 10 միլիոն եվրոյով։Պոգբան «Յուվենտուս» է վերադարձել անցած ամառ՝ ազատ գործակալի կարգավիճակով:
