«Բարսելոնայի» հարձակվող Ուսման Դեմբելեն մտադիր չէ այս ամառ հեռանալ կատալոնական ակումբից, հայտնում է Marca-ն։ Ավելի վաղ հաղորդվում էր, որ 26-ամյա ֆրանսիացու նկատմամբ հետաքրքրություն է ցուցաբերում ՊՍԺ-ն, որը փոխարինող է փնտրում թիմից հեռացած Լիոնել Մեսսիին։
Աղբյուրի համաձայն՝ Դեմբելեն ոչ մի զանգ չի ստացել փարիզյան թիմից։ Ավելին, հարձակվողը չի պատրաստվում հեռանալ «Բարսելոնայից» և գոհ է ամեն ինչից։
Անձամբ ֆուտբոլիստը՝ կնախընտրեր երկարաձգել պայմանագիրը «Բարսելոնայի» հետ։
Անցած մրցաշրջանում Դեմբելեն «Բարսելոնայի» կազմում անցկացրել է 32 հանդիպում բոլոր մրցաշարերում՝ դառնալով 8 գոլի և 9 գոլային փոխանցման հեղինակ։
