«Ռոմայի» գլխավոր մարզիչ Ժոզե Մոուրինյոն խոսել է թիմի հարձակվող Պաուլո Դիբալայի ապագայի մասին։
«Ես ոչինչ չգիտեմ նրա պայմանագրի մասին: Ես Դիբալայի հետ խոսում եմ այնպես, ինչպես թիմի մյուս ֆուտբոլիստների հետ»,- մարզչի խոսքերն է մեջբերում LaRoma24-ը:
Ավելի վաղ հաղորդվում էր, որ այս ամառ ֆուտբոլիստը կարող է տեղափոխվել «Չելսի»:
Դիբալան անցած ամառվանից հանդես է գալիս «Ռոմայում»: 2022/23 մրցաշրջանում նա հռոմեացիների կազմում անցկացրել է 38 հանդիպում, դարձել 18 գոլի և 8 գոլային փոխանցման հեղինակ։ Transfermarkt-ը ֆուտբոլիստին գնահատում է 30 միլիոն եվրո։
