Մադրիդի «Ռեալը» պաշտոնապես հայտարարել է 2023/24 մրցաշրջանի չորս ավագների մասին։ Հարձակվող Կարիմ Բենզեմայի հեռանալուց հետո թիմի նոր ավագը դարձավ պաշտպան Նաչո Ֆերնանդեսը։

Նոր մրցաշրջանում ավագի դերը կստանձնեն նաև Լուկա Մոդրիչը, Դանի Կարվախալը և Տոնի Կրոսը։

Սա երրորդ մրցաշրջանն անընդմեջ է, որ «Ռեալը» մրցաշրջանը սկսում է ավագի փոփոխությամբ։ Սերխիո Ռամոսը ՊՍԺ-ին է միացել 2021 թվականին, Մարսելոն անցած ամառ է միացել «Օլիմպիակոսին», իսկ Բենզեման տեղափոխվել է «Ալ-Իթիհադ»։