Հայտնի է դարձել, թե որքան կվաստակի կիսապաշտպան Մեյսոն Մաունթը «Մանչեսթեր Յունայթեդում»։

Ավելի վաղ հայտնի էր դարձել, որ «Չելսիի» կիսապաշտպանը կարիերան կշարունակի «Մանչեսթեր Յունայթեդում»։ Գործարքը մանկունիանցիների համար կարժենա 75 միլիոն եվրո (70 միլիոն տրանսֆերի համար + 5 միլիոն բոնուս): Ֆուտբոլիստի հետ պայմանագիրը նախատեսված կլինի 5 տարով՝ 1 մրցաշրջանով երկարաձգելու հնարավորությամբ։

Նշվում է, որ ֆուտբոլիստը շաբաթական կվաստակի մոտ 290 հազար եվրո։ Բոնուսները ներառյալ՝ գումարը կարող է հասնել 345 հազարի։

Անցած մրցաշրջանում Մաունթը «Չելսիի» կազմում բոլոր մրցաշարերում անցկացրել է 35 հանդիպում՝ դառնալով 3 գոլի և 4 գոլային փոխանցման հեղինակ։