«Բարսելոնայի» կենտրոնական պաշտպան Էրիկ Գարսիան առաջիկա ամիսներին կարող է հեռանալ ակումբից:

Ավարտված մրցաշրջանի ընթացքում բազմիցս հաղորդվում էր, որ կատալոնական ակումբը պատրաստ է վաճառել 22-ամյա ֆուտբոլիստին, ով հազվադեպ է ընդգրկվում մեկնարկային կազմում։ Diario AS-ի թարմացված տեղեկատվության համաձայն՝ «Բարսելոնան» վերջապես որոշել է ազատվել Գարսիայից։

Էրիկ Գարսիան «Բարսելոնա» էր տեղափոխվել երկու տարի առաջ «Մանչեսթեր Սիթիից»: Նախորդ մրցաշրջանում պաշտպանը խաղադաշտ է դուրս եկել 32 անգամ՝ իր ակտիվում գրանցելով մեկ գոլ և երկու գոլային փոխանցում։