«Մանչեսթեր Սիթին» մոտ է «Չելսիի» կիսապաշտպան Մատեո Կովաչիչի հետ պայմանագիր կնքելուն, հայտնում է ինսայդեր Ֆաբրիցիո Ռոմանոն:
Աղբյուրի համաձայն՝ կողմերն արդեն համաձայնեցրել են բոլոր մանրամասները, ուստի ֆուտբոլիստի տրանսֆերի մասին կհայտարարվի այս շաբաթ։
2022/23 մրցաշրջանում 29-ամյա խորվաթը «Չելսիի» կազմում անցկացրել է 37 հանդիպում բոլոր մրցաշարերում՝ դառնալով 2 գոլի և 2 գոլային փոխանցման հեղինակ։
Transfermarkt-ը ֆուտբոլիստի արժեքը գնահատում է 40 միլիոն եվրո։
