Մադրիդի «Ռեալի» նախկին հարձակվող Էդեն Ազարը մտածում է կարիերան ավարտելու մասին, հայտնում է L’Equipe-ը:
32-ամյա բելգիացին դեռ կարող է ՄԼՍ-ի առաջարկ ստանալ, սակայն ներկայումս հակված է ավարտել կարիերան և մնալ Մադրիդում, որտեղ նա նախատեսում է հոգ տանել իր ընտանիքի մասին:
Մադրիդի «Ռեալը» հունիսի սկզբին հայտարարեց Ազարի հետ պայմանագիրը խզելու մասին։ Հարձակվողը «Ռեալում» հանդես է գալիս 2019 թվականից։ 2022/23 մրցաշրջանում նա բոլոր մրցաշարերում անցկացրել է 10 հանդիպում՝ դառնալով 1 գոլի և 2 գոլային փոխանցման հեղինակ։
Մինչ «Ռեալը» Ազարը հանդես է եկել «Չելսիում» և «Լիլում»:
