ՊՍԺ-ի և Ֆրանսիայի հավաքականի հարձակվող Կիլիան Մբապպեն կմասնակցի 2024 թվականի Օլիմպիական խաղերին, հայտնում է L’Equipe-ը։

Աղբյուրի համաձայն՝ Ֆրանսիայի օլիմպիական հավաքականում հիմնական կազմից առնվազն երեք ֆուտբոլիստ կընդգրկվի։

2024 թվականի ամառային Օլիմպիական խաղերը կանցկացվեն Փարիզում։ Հաղորդվում է, որ Մբապպեն երազում է Օլիմպիական խաղերում հաղթելու մասին:

2022/23 մրցաշրջանում Մբապպեն ՊՍԺ-ի կազմում անցկացրել է 43 հանդիպում բոլոր մրցաշարերում՝ դառնալով 41 գոլի և 10 գոլային փոխանցման հեղինակ։

Ֆրանսիայի հավաքականի կազմում 24-ամյա հարձակվողը անցկացրել է 68 հանդիպում՝ դառնալով 38 գոլի հեղինակ։