Մադրիդի «Ռեալի» կիսապաշտպան Տոնի Կրոսը կերկարաձգի պայմանագիրը ակումբի հետ, հայտնում է լրագրող Ֆաբրիցիո Ռոմանոն։

Աղբյուրի համաձայն՝ մադրիդյան ակումբը շուտով կհայտարարի 33-ամյա գերմանացու հետ պայմանագիրը երկարաձգելու մասին։ Համաձայնագիրը նախատեսված կլինի մինչև 2024 թվականի ամառ։

Նախորդ մրցաշրջանում Կրոսը «Ռեալի» կազմում անցկացրել է 50 հանդիպում՝ դառնալով 2 գոլի և 5 գոլային փոխանցման հեղինակ։