Ֆրանսիացի հարձակվող Կիլիան Մբապպեի հայտարարությունը, թե ինքը մտադիր չէ ամառային տրանսֆերային պատուհանում տեղափոխվել Մադրիդի «Ռեալ», չի փոխել ՊՍԺ-ի դիրքորոշումը, հայտնում ինսայդեր Ֆաբրիցիո Ռոմանոն։
Փարիզյան ակումբը պնդում է, որ Մբապպեն պետք է նոր պայմանագիր ստորագրի հիմա կամ հեռանա այս ամառ: ՊՍԺ-ն շահագրգռված չէ մեկ տարուց ազատ գործակալի կարգավիճակում կորցնել առաջատարին։
Մբապպեն ավելի վաղ հայտնել էր, որ չի օգտագործի ՊՍԺ-ի հետ պայմանագիրը մինչև 2025 թվականը երկարաձգելու տարբերակը, բայց հաջորդ մրցաշրջանում կմնա փարիզյան ակումբի ֆուտբոլիստ։
