Դորտմունդի «Բորուսիայի» գործադիր տնօրեն Հանս-Յոահիմ Վատցկեն շնորհակալություն է հայտնել կիսապաշտպան Ջուդ Բելինգհեմին։
Այսօր՝ հունիսի 14-ին, Մադրիդի «Ռեալը» հայտարարեց Բելինգհեմի տեղափոխության մասին։
«Մենք ցանկանում ենք շնորհակալություն հայտնել Բելինգհեմին այն երեք տարիների համար, երբ նա ամեն ինչ արեց Դորտմունդի «Բորուսիայի» համար։
Մենք նաև ցանկանում ենք շնորհակալություն հայտնել «Ռեալին» ազնիվ և կառուցողական բանակցությունների համար»,- Վատցկեի խոսքերն է մեջբերում «Իշամեղուների» մամուլի ծառայությունը։
19-ամյա անգլիացու հետ կնքված պայմանագիրը հաշվարկված է մինչեւ 2029 թվականի ամառը։
2022/23 մրցաշրջանում Բելինգհեմը բոլոր մրցաշարերում անցկացրել է 42 հանդիպում՝ դառնալով 14 գոլի և 7 գոլային փոխանցման հեղինակ։
