«Արսենալի» նախկին գլխավոր մարզիչ Արսեն Վենգերը խոսել է «Մանչեսթեր Սիթիի» կազմի մասին։

«Միգուցե նրանք կորցնեն կարևոր ֆուտբոլիստներ։ Այս թիմը տարիքով չէ, բայց երիտասարդ ֆուտբոլիստներ չկան։ Բացի Հոլանդից, որն այժմ 22 տարեկան է, մնացած բոլորը 24-ից 32 տարեկան են: Ուստի երկու կամ երեք ֆուտբոլիստներ պետք է փոխվեն»,- Վենգերի խոսքերն է մեջբերում The Mirror-ը։

Հիշեցնենք, որ Չեմպիոնների Լիգայի եզրափակչում «Մանչեսթեր Սիթին» 1:0 հաշվով հաղթել է «Ինտերին»: Թիմը նաև թրեբլ է գրանցել՝ նվաճելով բոլոր հնարավոր տիտղոսները։