«Բարսելոնան» մտադիր է ամառային տրանսֆերային պատուհանի ժամանակ բաժանվել թիմի հարձակվող Անսու Ֆատիից:
Թիմի գլխավոր մարզիչ Չավի Էրնանդեսը, կարծում է, որ այս ֆուտբոլիստը կարող է մեծ ապագա ունենալ, սակայն այս պահին նրան անհրաժեշտ է թիմ, որտեղ նա վարձավճարով կարող է հանդես գալ, հավելյալ փորձ ձեռք բերելու համար, հայտնում է Mundo Deportivo-ն։
2022/2023 մրցաշրջանում Անսու Ֆատին անցկացրել է 51 հանդիպում, որոնցում դարձել է 10 գոլի և 4 գոլային փոխանցման հեղինակ։ Transfermarkt-ը 20-ամյա ֆուտբոլիստին գնահատում է 35 միլիոն եվրո։
