Թուրինի «Յուվենտուսի» վինգեր Ֆեդերիկո Կյեզան կարող է տեղափոխվել Լոնդոնի «Արսենալ»:
Ինչպես հայտնում են իտալական լրատվամիջոցները, 25-ամյա ֆուտբոլիստը որոշել է ամառային տրանսֆերային պատուհանի ժամանակ հեռանալ «Յուվենտուսից»:
Լրագրող Էկրեմ Կոնուրի խոսքով՝ Կիեզայի հետ կապված իրավիճակը ուսումնասիրում է «Արսենալը»։
«Զինագործները» Պրեմիեր լիգայի ավարտված մրցաշրջանի արդյունքներով նվաճեցին Չեմպիոնների Լիգայի ուղեգիր, ուստի ակնկալում են ուժեղացնել կազմը մինչև նոր մրցաշրջանի մեկնարկը:
Ֆեդերիկո Կյեզայի պայմանագիրը «Յուվենտուսի» հետ նախատեսված է մինչև 2025 թվականը:
Նրա տրանսֆերային արժեքը Transfermarkt-ի փորձագետները գնահատում են 50 միլիոն եվրո։
Անցած մրցաշրջանում ֆուտբոլիստը 33 խաղում դարձել է 4 գոլի և 6 գոլային փոխանցման հեղինակ:
