«Չելսիի» պաշտպան Մալանգ Սարը, ով նախորդ մրցաշրջանը վարձավճարով անցկացրել է «Մոնակոյում», մշտական հիմունքներով չի տեղափոխվի «մոնեգասկների» ճամբար, այլ կվերադառնա լոնդոնյան ակումբ։
«Մոնակոյի» մարզական տնօրեն Փոլ Միտչելը հաստատել է այս տեղեկությունը։
«Մալանգը, ցավոք, մի քանի ամիս առաջ մարզման ժամանակ վնասվածք ստացավ՝ որովայնի մկանային վնասվածք: Մալանգն արդեն վերադարձել է Չելսի»,- ասել է Միտչելը GFFN-ին։
Նախորդ մրցաշրջանը 24-ամյա ֆրանսիացի պաշտպանն անցկացրել է «Մոնակոյում»: Նա մասնակցել է 17 հանդիպման։
