Քաթարական ներդրողների խումբը՝ շեյխ Ջասիմի գլխավորությամբ, արել է «Մանչեսթեր Յունայթեդը» գնելու թվով հինգերորդ՝ վերջին առաջարկը։ Այս մասին իր էջերում գրում է Daily Mail-ը։
Նշվում է, որ Կատարի ներկայացուցիչները մինչև ուրբաթ օրը ցանկանում են փակել գործարքը։
Եթե մինչ այդ Գլեյզեր ընտանիքը չհամաձայնի ակումբի վաճառքին, ապա Շեյխ Ջասիմը կհրաժարվի այն գնելու մտքից։
Գարնան վերջին մամուլում տեղեկություն հայտնվեց, որ եթե Շեյխ Ջասիմը գնի ակումբը, ապա «Մանչեսթեր Յունայթեդը» կարող է ամառային տրանսֆերային պատուհանի ժամանակ ձեռք բերել ՊՍԺ-ի աստղ Նեյմարին։