«Ռեալ Սոսյեդադի» կիսապաշտպան Տակեֆուսա Կուբոն հերքել է Մադրիդի «Ռեալ» հնարավոր տեղափոխության մասին լուրերը։
«Ես «Սոսյեդադի» ֆուտբոլիստ եմ, «Ռեալի» դռներն իմ առաջ փակ են։ Ցանկանում եմ աստղ դառնալ Չեմպիոնների Լիգայում և «Սոսյեդադ» անունը հռչակել Եվրոպայում»,- ֆուտբոլիստի խոսքերն է մեջբերում Carrusel Deportivo-ն։
«Ռեալ Սոսյեդադն» այս մրցաշրջանում ապահովել է իր տեղը Չեմպիոնների Լիգայում։
Նախորդ մրցաշրջանում 21-ամյա կիսապաշտպանը մասնակցել է 34 խաղի՝ դառնալով 9 գոլի և 4 գոլային փոխանցման հեղինակ:
