Ամստերդամի «Այաքսի» կիսապաշտպան Էդսոն Ալվարեսը մոտ է նոր թիմ տեղափոխվելուն։
Լրագրող Նիկոլո Շիրայի տեղեկություններով՝ մեքսիկացի կիսապաշտպանը համաձայնեցրել է անձնական պայմանագրի պայմանները Դորտմունդի «Բորուսիայի» հետ։
Հիշեցնենք, որ Ալվարեսի ծառայություններով հետաքրքրված էր նաև «Բավարիան», սակայն մյունխենյան ակումբը որոշեց ի վերջո հրաժարվել մեքսիկացու թեկնածությունից։
«Բորուսիան» արդեն մի քանի շաբաթ է աշխատում է տրանսֆերի վրա, որն այժմ մոտենում է ավարտին։
25-ամյա Ալվարեսն ընթացիկ մրցաշրջանում Հոլանդիայի առաջնությունում դարձել է երեք գոլի և երեք գոլային փոխանցման հեղինակ։ ք
