Դորտմունդի «Բորուսիայի» պաշտպան Ռաֆայել Գերեյրուն ամառային տրանսֆերային պատուհանի ժամանակ կարող է տեղափոխվել «Բավարիա», հայտնում է լրագրող Ֆլորիան Պլետենբերգը։
Աղբյուրի տեղեկություններով՝ պաշտպանը երկար ժամանակ բավարական ակումբի դիտակետում է։ Կողմերն արդեն բանակցություններ են վարում։
Պորտուգալացու պայմանագիրը «իշամեղուների» հետ հաշվարկված է մինչեւ հուլիսի 1-ը։ Ռաֆայել Գերեյրուն դորտմունդյան ակումբում հանդես է գալիս 2016 թվականի ամառվանից։
Այս մրցաշրջանում նա Դորտմունդի «Բորուսիայի» կազմում անցկացրել է 36 հանդիպում բոլոր մրցաշարերում՝ դառնալով 6 գոլի և 13 գոլային փոխանցման հեղինակ։
