Թուրինի «Յուվենտուսի» գլխավոր մարզիչ Մասիմիլիանո Ալեգրին ամփոփել է Իտալիայի առաջնության 37-րդ տուրի «Միլանի» դեմ հանդիպումը (0:1):
«Խաղից հետո ես շնորհակալություն հայտնեցի տղաներին։ Սա անհավանական մրցաշրջան էր, և մենք պետք է այն ավարտենք պատվով Ուդինեում: Ես չէի ցանկանա, որ ինչ-որ մեկին այնպիսի տարի անցկացներ, երբ միավորները վերցնում են, հետո վերադարձնում, հետո նորից վերցնում։
Մենք խաղացինք լավագույնը, ինչ կարող էինք: Մրցաշրջանը անոմալ էր, դա բոլորի համար ակնհայտ է։ Մարդիկ խոսում են մեր անհաջողության մասին, բայց մենք, չնայած այն ամենին, ինչ կատարվում էր, վաստակեցինք 69 միավոր։
Պետք է հպարտանալ դրանով և երախտապարտ լինել ֆուտբոլիստներին։ Եթե չլինեին խաղադաշտից դուրս իրադարձությունները, մենք կհայտնվեինք Չեմպիոնների Լիգայի գոտում։ Կներեք սա ասելու համար, բայց մեր մրցաշրջանն ավարտվեց Սևիլիայում», – մարզչի խոսքերը մեջբերում է Goal-ը:
