«Էվերթոնի» պաշտպան Յերի Մինան սոցցանցերում հայտարարել է, որ մրցաշրջանի ավարտից հետո կլքի ակումբը։
«Այս կիրակի ես կանցկացնեմ իմ վերջին հանդիպումը «Էվերթոնի» կազմում։ Ժամանակն է հրաժեշտ տալու…
Ուզում եմ շնորհակալություն հայտնել ձեր աջակցության ու սիրո համար, ինձ համար արտոնություն ու պատիվ էր կրել այս մարզաշապիկը և ներկայացնել «Էվերթոնը»»,- ասել է Մինան։
Պաշտպանը «Էվերտոնում» հանդես է գալիս 2018 թվականից։ Portal Transfermarkt-ը 28-ամյա կոլումբիացու տրանսֆերային արժեքը գնահատում է 12 միլիոն եվրո։
Մինան «Էվերթոնի» կազմում անցկացրել է 98 հանդիպում՝ դառնալով 9 գոլի և 1 գոլային փոխանցման հեղինակ։
