«Վուլվերհեմփթոնի» կիսապաշտպան Ռուբեն Նևեշը կարող է կարիերան շարունակել անգլիական այլ ակումբում, հայտնում է Football Insider-ը։
26-ամյա պորտուգալացի կիսապաշտպանի ծառայություններով շարունակում է հետաքրքրվել «Լիվերպուլը»։ Անգլիական գրանդի գլխավոր մրցակիցը կատալոնական «Բարսելոնան» է։
Կիսապաշտպանն ընթացիկ մրցաշրջանում անցկացրել է 40 հանդիպում՝ դառնալով 6 գոլի և գոլային փոխանցման հեղինակ: Ֆուտբոլիստի գործող աշխատանքային պայմանագիրը «գայլերի» հետ հաշվարկված է մինչեւ հաջորդ տարվա կեսերը։
