«Լիվերպուլի» հարձակվող Ռոբերտո Ֆիրմինոն կարող է կարիերան շարունակել Մադրիդի «Ռեալում»։
Հեղինակավոր ինսայդեր Ֆաբրիցիո Ռոմանոյի կարծիքով՝ 31-ամյա բրազիլացին ընդգրկված է «սերուցքայինների» շորթ- լիստում։
Այնուամենայնիվ, ներկայումս բանակցություններ չեն ընթանում։ Ֆուտբոլիստի թեկնածությունը քննարկվում է մադրիդյան ակումբում։
Ֆիրմինոյի պայմանագիրը «Լիվերպուլի» հետ ավարտվում է այս ամառ։ Ընթացիկ մրցաշրջանում բրազիլացին բոլոր մրցաշարերում «Լիվերպուլի» կազմում 34 խաղում դարձել է 12 գոլի և 5 գոլային փոխանցման հեղինակ:
