Մյունխենի «Բավարիան» սկսել է նոր մասնագետ փնտրել, ով կզբաղեցնի ակումբի մարզական տնօրենի պաշտոնը։ Գերմանական ակումբը հայտնել էր Հասան Սալիհամիջիչի հրաժարականի մասին, ով ակումբում աշխատում էր վերջին վեց տարիներին։
Այս պաշտոնի գլխավոր հավակնորդը Մաքս Էբերլն է, ով ներկայումս աշխատում է գերմանական մեկ այլ ակումբում՝ «Լայպցիգում»։
Բունդեսլիգայի 34-րդ տուրի «Քյոլնի» (2:1) դեմ չեմպիոնական խաղից առաջ «Բավարիայի» ներկայացուցիչները զրուցել են ֆունկցիոների հետ: Այս մասին հայտնում են Bild-ի լրագրողները։
