Մադրիդի «Ռեալի» մարզիչ Կառլո Անչելոտտին խոսել է Իսպանիայի առաջնության 37-րդ տուրի խաղում «Սևիլիայի» նկատմամբ տարած հաղթանակի մասին։ «Արքայական» ակումբը հաղթեց 2։1 հաշվով։
Մադրիդի «Ռեալը» վճռական է տրամադրված մրցաշրջանը հաջող ավարտելու հարցում. Հիմա հեշտ չէ մեր լավագույն ֆուտբոլը ցուցադրելու մոտիվացիա գտնելը, բայց մենք կարողանում ենք դա անել։ Հանդիպման ընթացքում «Սևիլիան» վստահություն ձեռք բերեց իր ուժերի նկատմամբ և սկսեց ավելի շատ տիրել գնդակին: Ինձ դուր եկավ թիմի ելույթը»,- իտալացի մասնագետի խոսքերն է փոխանցում Marca թերթը։
Իսպանիայի առաջնության եզրափակիչ տուրից առաջ «սերուցքայինները» զբաղեցնում են մրցաշարային աղյուսակի երկրորդ հորիզոնականը։
