«Բարսելոնայի» գլխավոր մարզիչ Չավին խոսել է այն դժվարությունների մասին, որոնց բախվել է որպես թիմի գլխավոր մարզիչ։
«Մարզչի համար երեք անգամ ավելի դժվար է, քան ֆուտբոլիստի համար, քանի որ երկրպագուները կարծում են, որ դու պատասխանատու ես ամեն ինչի համար: Հիմա ասում են՝ Չավիի առաջնությունն է։ Բայց սա թիմային աշխատանքի արդյունք է։
Ինձ համար առաջնությունը շատ կարևոր է։ Գիտեի, որ դժվար է լինելու, բայց շատ էի ցանկանում հաղթել, և ի վերջո համառությունս տվեց իր արդյունքը։ Բայց Չեմպիոնների Լիգայում կրած պարտությունը շատ տհաճ էր։
Երբեմն թվում է, թե «Բարսելոնայում» շատ դաժան միջավայր է։ Երբ ամեն ինչ լավ է, նրանք դժգոհ են, երբ ամեն ինչ վատ է, ուրախանում են»,- Չավիի խոսքերը մեջբերում է Marca-ն։
