Մադրիդի «Ռեալի» կիսապաշտպան Բրահիմ Դիասը, ով ներկայումս վարձավճարով հանդես է գալիս «Միլանում», մտադիր է մնալ իտալական ակումբում, հայտնում է իտալացի ինսայդեր Ֆաբրիցիո Ռոմանոն։
Աղբյուրի համաձայն՝ կողմերը մոտ ժամանակներս բանակցություններ կվարեն ֆուտբոլիստի մշտական հիմունքներով տրանսֆերի շուրջ։
Ավելի վաղ հաղորդվում էր, որ «Միլանը» Դիասին գնելու տարբերակ չունի, իսկ «Ռեալը» մտադիր է վերադարձնել ֆուտբոլիստին։
Կիսապաշտպանն այս մրցաշրջանում իտալական ակումբի կազմում բոլոր մրցաշարերում անցկացրել է 43 հանդիպում՝ դառնալով 7 գոլի և 6 գոլային փոխանցման հեղինակ:
«Միլանը» Դիասին վարձավճարով ձեռք է բերել 2021 թվականի ամռանը, համաձայնագիրը նախատեսված է մինչև 2023 թվականի ամառ:
