«Արսենալի» հարձակվող Ֆոլարին Բալոգունը կխաղա ԱՄՆ-ի հավաքականում, հայտնում է իտալացի լրագրող Ֆաբրիցիո Ռոմանոն։
Աղբյուրի համաձայն՝ ՖԻՖԱ-ն հավանություն է տվել ֆուտբոլիստի կողմից մարզական քաղաքացիության փոփոխությանը։
Նախկինում Բալոգունը հանդես է եկել Անգլիայի պատանեկան և երիտասարդական հավաքականներում։
Նշենք, որ ներկայումս 21-ամյա հարձակվողը հանդես է գալիս «Ռեյմսում», ֆուտբոլիստի տրանսֆերային արժեքը պատկանում է «Արսենալին»:
Այս մրցաշրջանում Բալոգունը «Ռեյմսի» կազմում անցկացրել է 36 հանդիպում՝ դառնալով 20 գոլի և 3 գոլային փոխանցման հեղինակ:
