«Բավարիան» հետաքրքրված է «Ատալանտայի» և Դանիայի հավաքականի հարձակվող Ռասմուս Հոյլունդով։

Ինչպես հայտնում է Tuttomercatoweb-ը, 20-ամյա ֆուտբոլիստը պատրաստ է տեղափոխվել այլ ակումբ։ Նրա ձեռքբերման համար «Բավարիան» կմրցի «Յուվենտուսի» հետ:

Հաղորդվում է, որ իտալական ակումբը վաղուց է հիանում դանիացուն և նրան տեսնում է որպես Դուշան Վլահովիչի փոխարինող, ով կարող է վաճառվել մեկ այլ ֆուտբոլիստի դիմաց։

Բայց «Բավարիան», հավանաբար, ավելի շատ նոր հարձակվողի կարիք ունի, քանի որ չկարողացավ փոխարինել Ռոբերտ Լևանդովսկուն, և ենթադրվում է, որ նոր մարզիչ Թոմաս Տուխելը կարող է ձգտել Հոյլունդին:

Հարձակվողն «Ատալանտայում» հանդես է գալիս 2022 թվականի ամառվանից։ Նրա ներկայիս պայմանագիրը նախատեսված է մինչև 2027 թվականի հունիսը:

Այս մրցաշրջանում ֆուտբոլիստը ակումբի կազմում անցկացրել է 25 հանդիպում բոլոր մրցաշարերում՝ դառնալով 8 գոլի և 2 գոլային փոխանցման հեղինակ։ Ֆուտբոլիստի արժեքը, ըստ Transfermarkt-ի, կազմում է 35 միլիոն եվրո։