«Մանչեսթեր Յունայթեդի» դարպասապահ Դավիդ դե Խեան մերժել է թիմի նոր պայմանագրի առաջին առաջարկը, հայտնում է The Athletic-ը։
Աղբյուրի համաձայն՝ «Մանչեսթեր Յունայթեդը» լավ առաջարկ է արել, բայց դա Դե Խեային հարիր չէ։ Դարպասապահը ցանկանում է մնալ թիմում, բայց կարծում է, որ այս մրցաշրջանում իր խաղը դեռևս դարձնում է իրեն ամենակարևոր ֆուտբոլիստներից մեկը և, հետևաբար, արժանի է ավելի մեծ աշխատավարձի:
Հաղորդվում է, որ չնայած մերժված առաջարկին, բանակցությունները դրական ավարտ կունենան։ 2019 թվականին իսպանացին աշխարհի ամենաբարձր վարձատրվող դարպասապահն էր, ղեկավարությունը կարծում է, որ 32 տարեկանում դարպասապահը պետք է կրճատի աշխատավարձը՝ ակումբում մնալու համար:
