Մադրիդի «Ռեալի» կիսապաշտպան Բրահիմ Դիասը, ով վարձավճարով հանդես է գալիս «Միլանում», բանակցություններ է վարում մադրիդյան ակումբի հետ՝ իր ապագան որոշելու համար, հայտնում է CaughtOffside-ը։
Աղբյուրի համաձայն՝ 23-ամյա ֆուտբոլիստը պատրաստ է վերադառնալ Իսպանիա և միևնույն ժամանակ ուրախ կլինի մշտական հիմունքներով տեղափոխվել «Միլան»՝ կարիերան Ա Սերիայում շարունակելու համար:
«Չելսին» հետևում է իսպանացի ֆուտբոլիստի հետ կապված իրավիճակին և դիտարկում է նրա հետ պայմանագիր կնքելու հնարավորությունը:
Կիսապաշտպանն այս մրցաշրջանում իտալական ակումբի կազմում բոլոր մրցաշարերում անցկացրել է 31 հանդիպում՝ դառնալով 5 գոլի և երկու գոլային փոխանցման հեղինակ: «Միլանը» Դիասին վարձավճարով ձեռք է բերել 2021 թվականի ամռանը, համաձայնագիրը նախատեսված է մինչև 2023 թվականի ամառ:
