Հարձակվող Արկադիուշ Միլիկն ընթացիկ մրցաշրջանի ավարտից հետո կարող է հեռանալ «Յուվենտուսից»։
Լեհը վարձակալված է «Մարսելից» մինչև հունիս՝ գնելու հնարավորությամբ։
Ինչպես հայտնում է Tuttosport-ը, ակումբի ղեկավարության մոտ լուրջ կասկածներ կան 29-ամյա ֆուտբոլիստի հետ համագործակցությունը շարունակելու նպատակահարմարության վերաբերյալ։
Հարձակվողի ապագայի վերաբերյալ վերջնական որոշումը կախված կլինի Դուշան Վլահովիչի և Մոյզե Քինի ապագայից, որոնք նույնպես հաջորդ ամառ կարող են հեռանալ Թուրինից:
Արկադիուշ Միլիկը «բյանկոներիների» կազմում անցկացրել է 23 հանդիպում՝ դառնալով 8 գոլի և մեկ գոլային փոխանցման հեղինակ:
Նրա տրանսֆերային արժեքը Transfermarkt-ի փորձագետները գնահատում են 10 միլիոն եվրո։
